Би нийгэмд эерэг нөлөө авчрах салбаруудыг сонгон ажилладаг иргэн байхыг хүсдэг. Байгаль орчныг хамгаалах, хүн төрөлхтөний аюулгүй байдал болон “мэдээллийн аюулгүй байдал”, “хүнсний аюулгүй байдал”, “хотын аюулгүй байдал”, “хөдөлмөрийн аюулгүй байдал” зэрэг орчин үеийн асуудлуудыг нэгтгэн судалдаг салбар бол “Байгаль орчин, Нийгэм, Засаглал” (БОНЗ)-ын шинжлэх ухаан юм. Эх дэлхийдээ эрүүл амьдрах, ирээдүй үр хойчоо хохироолгүй оршин тогтнохын тулд хүн төрөлхтөнд байгалийн, нийгмийн, эдийн засгийн шинж ухаануудыг нэгтгэн менежмент хийх шаардлага тулгарч байгаа юм. Би эдгээр чиглэлүүдийг нэгтгэдэг ISO олон улсын стандартууд болон БОНЗ-ын аргачлалуудыг судалж, мэргэшин ажилладаг. БОНЗ-н холбогдолтой хууль тогтоомж, олон улсын стандарт, үндэсний стандарт, бодлогын баримт бичиг, дүрэм журам, төрийн болон хувийн компаниудын менежментийг сайжруулах чиглэлээр сургалт, зөвлөгөө, аудитын чиглэлээр ажиллаж ирсэн. Одоогоор Австралийн TQCSI байгууллагын Мелбурн дахь Бүсийн менежер, Монгол дахь Бүсийн Захирал хийж, МУ-н Засгийн Газрын бодлогын төслүүдэд ажиллаж эхлээд байна. Би ОХУ-н Г.В.Плехановын нэрэмжит Эдийн Засгийн Академийг Эдийн засагч (Санхүү, Зээлийн менежмент) мэргэжлээр төгссөн, мастерын зэргээ Их Британийн Уэлс улс, Кардифф хот дахь Өмнөд Уэлсийн Их Сургуульд Аюулгүй Байдал, Эрүүл Мэнд, Байгаль Орчны менежментээр хамгаалсан. Одоо ШУТИС-н Төрийн Удирдлагын мэргэжлээр Докторант. ISO 9001, ISO 14001, ISO 45001, ISO 26000, ISO 37001, ISO 37301, ISO 37000, ISO/IEC 27001, ISO 22000, ISO 37110, ISO 14019, ISO 31000 гэх зэрэг стандартуудаар мэргэшсэн.